العراقيين المغتربين في فنلندا - تامبري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

العراقيين المغتربين في فنلندا - تامبري

رابطة شباب العراق , تامبرا - فنلندا
 
الرئيسيةالبوابةأحدث الصورالتسجيلدخول

 

 همــــوم عراقـــية

اذهب الى الأسفل 
2 مشترك
كاتب الموضوعرسالة
Miss You Iraq
عضو على الخط
عضو على الخط



المساهمات : 17
تاريخ التسجيل : 31/08/2008

همــــوم عراقـــية Empty
مُساهمةموضوع: همــــوم عراقـــية   همــــوم عراقـــية I_icon_minitime31/8/2008, 4:50 am

[size=18]
همـــوم عراقيـــه
إلك جبت الشمس.... والنار اقواس
إلك صلّت سيوف إمن الفرح تنباس
إلك واهس يعدل الفكر .. بالراس..
جرّحني إعله طولي ... فرح ... لاباس
ورده إتطكـَ همومي... إوترفع الراس
ولو جفك... حرير.. إوخاف ينجاس
ولك جيس الورد..... يتلون اليـــاس
اهيس جرحي بجفوفك جمر ينباس
خيط الدم يروح إبعيد يمتد إبطول الفرات إبعيد
يلمض إبراسي غضب... ويعيد:
هاله إجفوفنه إتعاند ولا تنداس
إوصهيل إعيونج ايورد حلم ينجاس
عيب الناس تمشي... إبذلة الناس
إلك خضره الأغاني.. إتفيض انهار
وإلك سر الغميج اليشبكـَ أسرار
رجف طولي.. رمح.. ينتظرك ثار
أعبدك... ريح من تلعب لعب بالنار
لو دار الزمن... بالموت إلك نندار
فاض الدم بيديك إجروحي.. أفكار
مدري الزمان إختلف.. مدري إختلفت الناس
وديت النذر شمسين... للعباس
كـَمره: الصوت من يصعد فرح بالراس
يدكـَ هذا الضمير... إبذاك
إو يخلّي الدم.. يشد الناس... للناس
الحزن نجمه تطيح... إبطارف العين
بجت إمي عليك.. بصدري مرتين
ضـَحك شيبج بيديّ إو جـّت إسنين
هاله.. إو كـَمرها .... إنداس بالطين
أشوفك.. بالحلم ..ز تضحك بساتين
ذبحني السر عليك.. إودمي صوبين
مصلوب إعله بابك منهو إنتَ إمنين
من تلمض تفكـَ تعركـَ إجفوف الناس
رجف بيدي الحنين إلشوفتك كاس
ولك فر الحنين إو وكـَع الوهواس
إوخلي الدم .. يشد الناس.. للناس
أحط دمي إعله جفك يعتلكـَ موال
روحي الخيل من تصهل سيوف إطوال
وياك يمشي النبض مشعل بجف خيال
دمي إبدفترك ورده إو رسوم أطفال
الشاعر لو بجه دم إو غضب .. جتال
طوله يصيح: يصعد اغنية إو ينزل كـَمر بالريح
يصلّي إعله الجرح تضوي الخيول أتصيح
إويصلّي النوب.. عكس الريح لا ما آطِـيح
يفز غبشه الجرح.. كلّش يريد إيصيح
من تلمض تفكـَ تدمع اجفوف الناس
أويلي إيرف بيديّ اشجم نهر حساس
إوبجه كـَبل الحجي إو غص النبض بالناس
يامشعل... يجيب الناس... للناس....
الرجوع الى أعلى الصفحة اذهب الى الأسفل
الديواني
Admin
Admin
الديواني


المساهمات : 59
تاريخ التسجيل : 18/08/2008

همــــوم عراقـــية Empty
مُساهمةموضوع: رد: همــــوم عراقـــية   همــــوم عراقـــية I_icon_minitime7/9/2008, 5:23 pm

الى متى يبقى الانسان العراقي مهموم؟؟؟؟ شكرا على المشاركة تسلم يمينك
الرجوع الى أعلى الصفحة اذهب الى الأسفل
https://iraq.forumburkina.com
 
همــــوم عراقـــية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العراقيين المغتربين في فنلندا - تامبري :: العـــــــــــــــــــــــــــــــــامة :: همــــوم عراقـــية-
انتقل الى: